Ábyrgð

Ábyrgð okkar gildir um

Ábyrgðin gildir aðeins um vörur sem eru á Íslandi þegar ábyrgðin tekur gildi.

*Ábyrgðin á við um pantanir sem gerðar voru eftir 1. janúar, 2018. Pantanir sem gerðar voru fyrir þann tíma eru háðar skilmálum þeirrar ábyrgðar sem gefin var út með pöntun. Sjá pöntunarstaðfestingu.

Gluggar og hurðir úr tré*

10 ára ábyrgð á gluggum og hurðum úr tré sem afhent eru á Íslandi.

Gluggar og hurðir úr tré/áli*

10 ára ábyrgð á gluggum og hurðum úr tré/áli sem afhent eru á Íslandi.

Gluggar og hurðir úr plasti*

10 ára ábyrgð á gluggum og hurðum úr plasti sem afhent eru á Íslandi. 5 ára ábyrgð gildir um málningu/filmu.

Rúður

Ábyrgð gleriðnaðarins gildir um sýnilega galla á milli rúða og 5 ára ábyrgð um glerið sjálft.

Skilmálar ábyrgðar

Til að 10 ára ábyrgð okkar gildi þurfa eftirfarandi skilyrði að vera uppfyllt:

Einingarnar skulu vera uppsettar rétt.
Einingunum skal haldið við með eðlilegum hætti. Það þýðir að máluðum yfirborðsflötum sé sinnt með tilliti til veðrunar og skemmda. Einnig þarf að viðhalda hreyfanlegum íhlutum líkt og festingum, sleðum og lásum með því að smyrja þá árlega. Skoða hér hvernig þú sinnir viðhaldi á gluggum og hurðum
Allar ábyrgðir gilda á Íslandi.

Geymsla

Hafðu í huga að plastfilmu er aðeins ætlað að verja vöru við flutning og hana skal fjarlægja eftir afhendingu til að ábyrgð taki gildi.

Geyma skal glugga og hurðir á viðeigandi hátt fram að uppsetningu; annars fellur ábyrgðin úr gildi. Allar einingar skulu varðar á öruggan hátt gegn raka (regni og snjó), beinu sólarljósi, óhreinindum og öðru tjóni.

Einingarnar geymast best innandyra eða undir þaki á jöfnu undirlagi. Aðeins má geyma einingarnar utandyra í stuttan tíma og þær skulu lagðar á slétt undirlag. Verja skal topp og hliðar bretta með vatnsheldum dúk sem er festur tryggilega með tilliti til vinds og loft verður að geta blásið undir pallinn.

Athugið: Umbúðum frá verksmiðju er aðeins ætlað að verja einingarnar við flutning frá verksmiðju til móttakanda – þær henta ekki sem vörn til lengri tíma.

Vöruábyrgð nær ekki til vöruskemmda vegna rangrar geymslu.

Hitaspenna/-sprungur

Ef vart verður við sprungu/sprungur sem eiga upptök sín yst á gluggarúðunni getur skýringin mögulega verið hitaspenna, sem einnig er stundum kallað hitasprungur.

Hitaspenna/-sprungur geta komið fyrir þegar sveiflur í hitastigi verða á mismunandi svæðum á rúðunni og valda spennu í glerinu. Kvörðunarmörk fyrir mismunandi gerðir og eiginleika glers eru mjög mismunandi og geta komið fyrir við hitastig frá 40 til 50 °C.

Eftirfarandi eykur hættu á hitaspennu

Hlutar sem skaga út varpa skugga yfir hluta glerflatarins

Álímd filma þekur hluta glerflatarins
Gluggatjöld, rimlagardínur o.þ.h. hafa verið sett þétt upp við glerflötinn.
Púðar og húsgögn hafa verið sett þétt upp við glerflötinn.
Hitagjafar, svo sem kamínur eða gashitarar, hafa verið settir þétt upp við glerflötinn.

Vöruábyrgð okkar tekur ekki til tjóns af völdum hitaspennu, af hvaða völdum sem hún er.

Lesa um hitaspennu

Viðhald

Hér getur þú sótt nákvæmar leiðbeiningar um viðhald nýja gluggans eða hurðarinnar. Viðhald eininga er mismunandi eftir því hvort þær eru úr tré, tré/áli eða plasti. Því skaltu velja þær leiðbeiningar sem eiga við um gluggann eða hurðina.

Upplýsingar um viðhald

Ábyrgðarskilmálar

Svo fremi sem þú tilkynnir um verksmiðjugalla og/eða efnisgalla innan ábyrgðartímabilsins, reiknað frá framleiðsludagsetningu, en þó eigi síðar en 3 mánuðum eftir að gallarnir koma í ljós, veitir ábyrgðin þér réttindi frá ábyrgðarveitanda samkvæmt lið 2. Ef nauðsyn krefur er það á þína ábyrgð að skjalfesta afhendingartíma vörunnar.

Ef hægt er að lagfæra framleiðslugallann og/eða efnisgallann í samræmi við eðlilega starfshætti við viðgerð/skipti á hlutum velur ábyrgðarveitandinn þá lausn. Viðgerð/skipti á hlutum er í því tilfelli án endurgjalds. Ef tilkynnt er um verksmiðjugalla og/eða efnisgalla innan þess tímabils sem getið er um í 1. lið skuldbindur ábyrgðarveitandinn sig til að afhenda nýja vöru án endurgjalds. Ábyrgðarveitandinn stendur þó ekki straum af kostnaði við að taka niður gömlu vöruna og setja þá nýju upp, rétt eins og hugsanleg vinna við að skipta um vörur síðar er ekki innifalin í þessari ábyrgð.

Ef varan er ekki lengur í framleiðslu þegar kvörtunin er lögð fram er ábyrgðarveitanda skylt að afhenda aðra vöru í staðinn.

Þessi ábyrgð gildir ekki um verksmiðjugalla og/eða efnisgalla í einangrunargleri. Í slíkum tilfellum gildir ábyrgð framleiðanda einangrunarglersins en í því sambandi er vísað til gæðafrávika á útliti einangrunarglers. Lesa meira hér

Þessi ábyrgð veitir þér engin réttindi önnur en þau sem koma fram í 2. lið.

Ef þú vilt tilkynna um verksmiðjugalla og/eða efnisgalla þarftu að gera það innan 3 mánaða frá því að gallans verður vart eða hans hefði átt að vera vart. Tilkynningar skulu sendar í gegnum vefsíðu okkar.

Þessi ábyrgð gildir ekki um verksmiðjugalla og/eða efnisgalla vegna rangrar uppsetningar, notkunar þenslufrauðs, skorts á viðhaldi eða ófullnægjandi viðhalds eða rangrar notkunar. Ábyrgðin gildir ekki ef útihurðir og -gluggar eru ómálaðir.

Að því er varðar tréglugga og tréhurðir sem hafa fengið yfirborðsmeðhöndlun úr verksmiðju er athygli vakin á leiðbeiningum um viðhald og lýsingu á eðlilegri útkomu eininga með yfirborðsmeðhöndlun í „Forventet udfald af industrielt overfladebehandlede træelementer“ (fylgirit 14 í tækniákvæðum VinduesIndustriens).

Ábyrgð og tilkynningaréttur gilda ekki um: Almenna vinnu eftir uppsetningu, svo sem stillingu hjara og ramma, hreinsun og litlar rispur á tré, útfellingu úr kvistum, suðu eða loftbólur í málningu. Bleytu neðst í tvískiptum hurðum og hurðum sem opnast inn, milli rammans og dyraþrepsins, við uppsetningu á stöðum sem eru útsettir fyrir vatni. Sérstakar úrkomu- og vindaðstæður veita ekki rétt til tilkynningar og ábyrgðar.

Samkvæmt þessari ábyrgð getur þú ekki lýst yfir verksmiðjugalla/efnisgalla vegna aðstæðna sem komu til eftir að ábyrgðarveitandi afhenti vöruna.

Ábyrgðarhafi getur ekki gert kröfu til ábyrgðarveitanda samkvæmt þessari ábyrgð vegna efnisgalla sem til dæmis má rekja til rangrar geymslu, flutnings eða uppsetningar milliliðs/verktaka.

Þessi ábyrgð gildir aðeins um vörur sem eru í Danmörku þegar ábyrgðin tekur gildi.

*2 ára ábyrgð gildir um sérpöntunarvörur, svo sem öryggisvörur, stjórnkerfi, varahluti, málningu og rafmagnsvörur.