Skilmálar

Pöntun

Vörurnar sem þú vilt kaupa frá skanva.is, eru settar í innkaupakörfuna þegar þú smellir á “Setja í innkaupakörfu” sem er hnappur við hliðina á vörunum. Ef þú vilt sjá hvað þú hefur sett í innkaupakörfuna ásamt verðinu, getur þú alltaf smellt á “Skoða innkaupakörfu” í hægra efra horninu.

Þegar þú ert búinn að versla, smelltu á “Fara í afhendingu” og gefðu upp afhendingar heimilisfang. Það er á þessari síðu sem þú þarft að samþykkja viðskiptaskilmála okkar. Ef þú hefur athugasemd við pöntunina, vinsamlegast skrifaðu hana í athugasemdakassann á sömu síðu.

Þegar öllu ofangreindu er lokið skaltu smella á „Áfram“ til að fara á greiðslu síðuna. Hér er hægt að staðfesta endanlega pöntun og ljúka greiðslu. Það er hægt að hætta við kaupin alveg þar til þú smellir á „Ljúka greiðslu“. Við höfum fyrirvara á útreikningarvillum, göllum eða vandamálum með verðreikninn okkar á skanva.is

ATH! Öll verð eru birt með fyrirvara um myntbrengl eða prentvillu og áskilur Skanva sér rétt til að hætta við viðskipti hafi rangt verð verið gefið upp.

Greiðslumáti

Greiðsla fyrir vörur sem eru keyptar á Skanva.is fer fram í íslenskum krónum (ISK) og hægt er að greiða fyrir vörur með því að nota Visa eða Mastercard. Við rukkum ekki þjónustugjöld. Þú getur líka valið að borga með Netgíró.

Hvers konar peningamillifærsla til Skanva gegnum vefsíðu Skanva.is fer fram með öruggri dulkóðaðri tengingu. Allar upplýsingar eru sendar dulritaðar. Þetta má sjá á stöðustiku vafrans, þar sem lokað læsingartákn birtist. Greiðsla með kreditkorti er gerð með Valitor og uppfyllir því greiðslukerfið okkar strangar kröfur um öryggi. Í greiðslumáta munt þú slá inn greiðslukortaupplýsingar: Fullt nafn korthafa, kortanúmer, gildistíma korts og þriggja stafa öryggisnúmer.

Skanva vistar ekki kortaupplýsingar þínar. Þegar greiðslunni er lokið mun Valitor eyða öllum kortaupplýsingum þínum.

Þegar þú greiðir með kreditkorti greiðir þú ekki fyrir vörurnar þínar fyrr en þær hafa verið framleiddar og eru tilbúnar til flutnings frá verksmiðjunni. Ef greitt er með bankamillifærslu greiðist fyrirfram áður en pöntunin er send í framleiðslu.

 

Staðfesting á pöntun

Þegar þú hefur klárað pöntunina og Skanva hefur samþykkt hana, færðu senda staðfestingu í tölvupósti. Þessi staðfesting er send á netfangið sem þú gafst upp þegar þú gerðir pöntunina.

 

Staðfesting á pöntun inniheldur:

• Nafn kaupanda
• Nafn seljanda og netfang
• Yfirlit yfir pantaðar vörur og verð með vaski.
• Staðfesting á heildarupphæðinni sem kaupandi þarf að greiða með sundurliðuðum gjöldum og flutningskostnaði
• Skjal sem staðfestir að greiðsla hefur farið fram með greiðslukorti.
• Kaupdagur (viðskiptadagur)
• Áætlaðu afhendingar tími
• Afhendingar heimilisfang
• Pöntunarnúmer
• Viðskipta gjaldmiðill
• Stutt yfirlit yfir viðskiptaskilmála Skanva.

Breyting á vörum og frátaka

Í vefversluninni er öll mál gefin upp sem ytra karmmál og sem breidd og hæð. Meðhöndlun vörunnar er fagmannleg.

Vörur Skanva eru í stanslausri þróun. Því áskiljum við okkur rétt til að breyta hönnun og útfærslu á vörum okkar og efnisvali, hvenær sem er og án fyrirvara. Við afhendingu er pöntuð vara alltaf í samræmi við þá framleiðslu staðla sem í gildi voru þegar varan var pöntuð. Þannig eru vörur sem pantaðar eru á mismunandi tímum ekki endilega framleiddar eftir sömu stöðlum og því ekki endilega nákvæmlega eins. Ef þú hefur áður pantað hjá okkur og vilt samræmi við nýju pöntunina, vinsamlegast sendu okkur tölvupóst á [email protected] áður en fresturinn rennur út.

Ógilding

Sem einstaklingur (neytandi), hefur þú 14 daga til að hætta við kaup á vörum á netinu. Í þessum skilmálum er vikið frá þessu af eftirfarandi ástæðum:

Hjá Skanva eru allar vörur sérsmíðaðar eftir einstaklingsbundnum þörfum og óskum kaupandans. Vörurnar eru framleiddar eftir málum og upplýsingum frá hverjum kaupanda fyrir sig. Til hagsbóta fyrir kaupandann hefur Skanva sett upp alsjálfvirkt hátækni pöntunar og framleiðslukerfi til að tryggja stysta mögulega afhendingar tíma og besta mögulega verð. Þetta kerfi tryggir að framleiðsla á vörunni hefst sjálfkrafa og strax eftir að kaupandi hefur staðfest pöntunina og greiðsla er lokið. Af fyrrnefndum ástæðum samþykkja viðskiptavinir Skanva að fyrirgera sér þessum 14 daga rétti. Ef þú þarft að breyta pöntun, skal það gert innan 24 klukkustunda eftir að pöntunin er lokið.

 

ATHUGIÐ: Ef þú valdir að greiða með Netgíró er ekki mögulegt að gera breytingar á vefsíðunni. Í svona tilfellum biðjum við þig vinsamlegast um að senda okkur tölvupóst á [email protected] með óskum þínum um breytingar innan 24 tíma frá pöntun.

 

 

Frestur til að breyta pöntun

Hægt er að breyta pöntun í gegnum breytingarsíðu á mínum reikning innan 24ra klukkustunda frá pöntun. Þar er bæði hægt að bæta við einingum og fjarlægja. Athugaðu að ekki er hægt að hætta við pöntun á breytingarsíðunni. Ef breyta á pöntuninni innan þessa tímaramma, er hægt að nálgast frekari upplýsingar um ferlið í leiðbeiningum um breytingarfrest. Þegar breytingar hafa verið staðfestar og breytingarfrestur liðinn, er send uppfærð staðfesting á pöntun í tölvupósti.

Eftir frestinn er ekki hægt að breyta pöntun nema í samráði við starfsfólk Skanva. Þá má hafa samband við [email protected] en það kostar að lágmarki Kr. 30.000.- og krefst þess að starfsfólk okkar staðfesti að hægt sé að breyta pöntun. Það fer eftir staðsetningu pöntunar í framleiðsluferli.

Verð

Á skanva.is eru öll verð í ISK (íslenskar krónur) með virðisaukaskatti, en án sendingarkostnað. Ekki fyrr en þú ert kominn í innkaupskörfuna, munt þú sjá verð með flutningi. Skanva getur hvenær sem er og án fyrirvara breytt verðum. Verðin sem gilda eru þau verð sem eru gefin upp við pöntun. Verðin eru núverandi verð.

Allir samningar eru gerðir á íslensku þegar þú verslar við Skanva. Þú getur beðið um afrit af staðfestingu pöntunar með því að skrá þig inn á heimasíðu okkar, eða með því að senda beiðni um það til: [email protected].

Afhending

Afhendingartími

Afhending fer fram í samræmi við það sem fram kemur í pöntunarstaðfestingunni. Allar vörur Skanva eru framleiddar sérstaklega fyrir þig eftir þeim málum sem þú hefur gefið upp. Því er afhendingartíminn alltaf aðeins áætlaður, en að öllu jafnan má reikna með að afhendingartíminn er frá 9 vikum.

Pöntun sem er afhent eigi síðar en fjórum vikum eftir afhendingardagsetninguna í pöntunarstaðfestingunni telst afhent á réttum tíma, og kaupandi getur því ekki borið upp kvörtun þess vegna. Að auki gefur Skanva eftirfarandi fyrirvara: Tafir sem stafa af ófyrirsjáanlegum orsökum, stríði, þvingunum, truflunum á flutningi, vélarbilun, efnis, meðhöndlunar og framleiðslu galla og töfum vegna undirverktaka geta ekki gefið kaupanda rétt til kvörtunar.

Í öllum tilvikum, getur kaupandi að hámarki krafist skaðabóta samsvarandi virði vörunnar sem keypt var.

Flutningskostnaður

Flutningskostnaður reiknast út í netverslun okkar þegar búið er að velja allar vörur í körfuna og slá inn póstnúmer, þar sem kostnaðurinn fer eftir stærð og fjölda eininga í hverri pöntun.

Flutningskostnaður reiknast útfrá rúmmetra nýtingu í gám og deilist á hverja einingu í hverri pöntun. Svo hlutfallslega er flutningskostnaður hærri á 1 stk. glugga en á 10 stk. 

Skemmdir í flutningi, önnur tjón og mistök við afhending

Áður en kaupandi kvittar fyrir móttöku vörunnar við afhendingu skal hann yfirfara hana til að gá að skemmdum. Kaupandi skal því athuga hvort umbúðir eru heilar, eða ef það eru aðrir hlutir sem benda til skemmda. Að lokum verður að ganga úr skugga um að fjöldi eininga sé réttur.

Ef skemmdir finnast er vara móttekin með ákveðnum fyrirvörum sem getið er um á farmbréfinu og þú ættir að hafa samband við Skanva á [email protected] eða búa til kröfu á heimasíðunni innan 24 klukkustunda. Athugið að við mælum með að þú móttakir pöntunina þrátt skemmdir þar sem endursending verður gerð á þinn kostnað. Myndir af skemmdum skal taka áður en umbúðir eru fjarlægðar, annars ógildist kröfurétturinn.

Ef fylgibréfið er undirritað af kaupanda án athugasemda, er ekki hægt síðar að krefjast bóta vegna skemmda eða vegna þess að hluta vantaði. Þá getur Skanva ekki útvegað eða framleitt nýja vöru án endurgjalds.

Mistök og gallar

Eftir að pöntunin hefur verið afhent á heimilisfangið þitt ber að skoðaði hana vandlega til að athuga hvort finnast mistök og/eða gallar. Berðu pöntunina saman við pöntunarstaðfestinguna og athugaðu hvort allt er eins og það á að vera. Ef svo ólíklega vill til að þú finnur mistök eða galla í pöntuninni skaltu bera upp kvörtun innan 8 daga frá afhendingu. Myndir af mistökum/göllum skal taka fyrir uppsetningu, annars ógildist ábyrgðin. Ath, þú skalt bíða með ísetningu þangað til þú hefur fengið svar við kvörtun þinni.

Kvartanir og Ábyrgð

Kaupandi getur krafist úrræða samkvæmt gildandi íslenskum lögum, ef keyptur hlutur hefur óvænt galla eða hann stendur ekki undir kröfum. Sem kaupanda hjá skanva.is hefur þú því að lágmarki 24 mánaða ábyrgð. Við bjóðum hins vegar upp á 10 ára ábyrgð á öllum gluggum og hurðum. Þú getur lesið ábyrgðarskilmála okkar hér.

Skemmdir sem verði í flutningi skal tilkynna innan 24 klukkustunda eftir að kaupandi hefur móttekið vöruna. Ef um er að ræða mistök eða galla hefur kaupandi 8 daga til að bera upp kvörtun. Ath: Kaupandi verður að bíða með að setja vöruna upp þangað til hann eða hún hefur fengið svar við kvörtuninni.

Tilkynna skal alla galla sem kunna að verða innan eðlilegs ábyrgðartíma eins fljótt og auðið er. Að tilkynningin sé réttlætanleg er auðvitað krafa. Gallar sem verða sökum óviðeigandi notkunar eða óviðeigandi uppsetningu á vörunni eða öðrum skaðlegum orsökum eru ekki réttlætanlegir. Allar kvartanir verða að vera gerðar í gegnum þjónustulið okkar og eigi síðar en tveimur mánuðum eftir að villan hefur fundist. Mundu að setja myndagögn um gallann í viðhengi.

Skanva hefur í öllum tilvikum rétt á, innan hæfilegs tíma, að bæta tjón, annað hvort með því að skipta vörunni út eða taka hana til baka. Skanva getur því eftir rökstudda kvörtun gert við skaðann, skipt út vörunni fyrir nýja vöru eða endurgreitt vöruna. Ef Skanva útvegar nýja vöru, nær ábyrgðin ekki yfir kostnað við ísetningu.

Ef samgöngur eru ekki greiðar á verkstað mun Skanva einungis sjá um að útvega varahluti eða nýjar einingar.

Útlitsgæði hurða og glugga skal dæma úr 3 metra fjarlægð og aldrei þannig að sól skíni beint á eininguna.

Athugaðu ef hurðin opnast inn: 
Þegar velja á hvort útihurðin á að opnast út eða inn, er mjög mikilvægt að taka tillit til veðuraðstæðna. Hvort aukin hætta er á að skemmdir verði t.d. vegna vinds eða vatns. Hurð sem opnast inn getur t.d. ekki tryggt 100% að vatn komist ekki inn ef um er að ræða t.d. mikið slagveður eða asahláku. Til þess að tryggja besta þéttleika ætti að notast við 3-punkta læsingu. Ofangreint atriði er þó ekki trygging gegn vatnsskaða.

Hvort gluggar og hurðir líta eðlilega út er metið þrjá metra frá og aldrei í beinu sólarljósi.

 Billistar innan í gleri milli álímdra lista (sprossa) 

Athugasemd varðandi billista innan í gleri milli álímdra lista. Í gluggum með billista innan í gleri milli álímdra lista, getur orðið vart við glamur í gleri þegar hurðum er skellt, stórir bílar keyra fram hjá eða annars konar þrýstibylgjur myndast. Við viljum benda á að þetta er eðilegt og ekki ástæða til kvörtunar eða gerðar þjónustubeiðni.  

Athugaðu við innanverða glugga/glerveggi (New Yorker glugga) 

Innanhúss gluggar eru aðeins gerðir fyrir það að vera settir í inní húsi og þola því ekki rigningu eða hátt rakastig. Setur þú innanhúss glugga í ytri vegg fellur ábyrgðin úr gildi. 

Uppsetning

Það er hægt að setja upp vörurnar frá Skanva á nokkra mismunandi vegu. Nokkra mismunandi þætti þarf að skoða þegar kemur að því að meta hvort uppsetning sé rétt, þ.mt hvers konar hús um er að ræða. Því eru uppsetningarleiðbeiningar okkar aðeins leiðbeinandi.

Upplýsingar um kvörtunarmöguleika

Upplýsingar um kvörtunarmöguleika
Kvörtun yfir vöru eða þjónustu keyptri frá okkur má senda til Neytendasamtökin, Hverfisgötu 105, 101 Reykjavík Þú getur sent kvörtun til Neytendasamtakanna í gegnum www.ns.is.

 

Bætur og vöruábyrgð
Kaupandi getur alltaf krafist skaðabóta samkvæmt gildandi íslenskum lögum. Þó getur kaupandi að hámarki krafist skaðabóta sem nemur verið keyptu vörunnar.

Gluggi heildsala ber ekki ábyrgð á skaða af völdum seldra vara:

• á fólki, fasteignum eða munum meðan varan er í vörslu kaupanda.
• Á vörum framleiddum af kaupanda eða vörum sem innihalda þær eða á skemmdum á fasteignum eða munum, sem þessar vörur framleiddar af kaupanda kunna að valda.

Skanva er á engan hátt ábyrgt fyrir glötuðum hagnaði eða öðru fjárhagslegu tapi.

Meðferð persónuupplýsinga

Hjá Skanva leggjum við áherslu á verndun persónuupplýsinga. Aðeins takmarkaður hluti persónulegra upplýsinga (nafn, heimilisfang, netfang og símanúmer) sem þú gefur upp í pöntuninni er notaður. Þessar upplýsingar eru eingöngu notaðar eins og nauðsynlegt er til að afgreiða pöntunina og upplýsingarnar eru ekki veittar þriðja aðila.

Meðhöndlun okkar á persónuupplýsingum er í samræmi við gildandi lög um persónuupplýsingar, og í þessu samhengi er Skanva (sjá meira í fyrirtækisupplýsingum) ábyrgðaraðili og vinnsluaðili upplýsinganna.

Allir netþjónar sem eru notaðir til geymslu á persónuupplýsingum sem gefnar eru upp við pöntun eru geymdar tryggilega og miðlægt hjá Skanva eða hjá tækniþjónustuaðilum Skanva. Gögn um framkvæmd greiðslu liggja hjá E-pay, sem er greiðsluþjónustuaðili Skanva. Viðskiptavinir Skanva eiga hvenær sem er rétt á fá að vita hvaða persónuupplýsingar við geymum um þá. Þú getur einnig krafist þess að upplýsingum sé eytt þegar kaupum er lokið. Til að gera það þarftu að hafa samband við Skanva eftir ofangreindum samskiptaleiðum.

Persónuupplýsingar skráðar hjá Skanva eru geymdar í fimm ár og að þeim tíma liðnum er þeim eytt.

Þegar persónuupplýsingar koma inn til Skanva, tryggjum við að það gerist eingöngu með skýru samþykki. Þú ert því nákvæmlega upplýstur um hvaða upplýsingum er safnað og hvers vegna.  
Forstjóri og starfsmenn Skanva hafa aðgang að þínum perónuupplýsingum.

Upplýsingar um viðskiptavini eru ekki geymdar dulkóðaðar.
Upplýsingar um viðskiptavini eru ekki sendar dulkóðaðar.

Lög og varnarþing

Skilmálar þessir og samningar Skanva.is við viðskiptavini falla undir íslensk lög. Allur ágreiningur og/eða kröfur á grundvelli skilmála þessara eða samninga Skanva.is við viðskiptavini skal leysa úr fyrir Héraðsdómi Reykjavíkur.