Greiðsluupplýsingar
Gæði – Efni og hönnun
Efni og hönnun glugga og hurða frá Skanva
Hjá Skanva bjóðum við upp á fjórar efnisgerðir í framleiðslu. Hvert efni hefur vitanlega sína kosti og mikilvægt er að kynna sér þá áður en pöntun er gerð.
Það sem allar vörur okkar eiga þó sameiginlegt – óháð efnistegund, er að þær eru vandlega prófaðar og uppfylla íslenska gæðastaðla.
Tré
Við notum 90% kjarnvið, kvistalaust og fingrað límtré í framleiðslu okkar. Það skilar sér í lengri endingu á einingunum. Margir kjósa timbureiningar til að kalla fram klassískt útlit húsa, hins vegar ber að hafa í huga að viðhald er jafnan meira þegar kemur að timbureiningum.
Tré/ál
Tré/ál einingar eru samsettar úr kvistlausum kjarnvið og álkálpu sem hylur timburverk að utanverðu. Einingar úr tré/áli þurfa minna viðhald, þar sem álið ver timbrið fyrir veðri og vindum.
PVC
Skanva býður upp á PVC einingar úr Rehau Nordic + prófílum sem sérhannaðir eru með norrænar slóðir í huga. Prófíllinn býður upp á meiri varmaeinangrunar og meira svignunarþol sem hentar íslensku veðurfari.
Alu
Hjá Skanva má líka fá tilboð í hreinar áleiningar. Við bjóðum upp á prófíla frá Reynaers. Vinsamlegast hafðu samband við ráðgjafa viljir þú skoða þennan kost fyrir verkefnið þitt.
ScandiLine
Skanva býður upp á vörulínuna ScandiLine. ScandiLine er vörulína með hurðum, gluggum og föstum gluggaeiningum úr tré, tré/áli og PVC með hefðbundinni skandinavískri hönnun. Allar vörugerðir eru af einstökum gæðum. Það sem gerir ScandiLine frábrugðið EuroLine frá Skanva er að opnanlegir ScandiLine-gluggar opnast út en EuroLine-gluggar opnast inn á við. Auk þess er hægt að halla EuroLine-gluggum inn. ScandiLine-vörukerfið er samþykkt af yfirvöldum í öllum löndum ESB.
Nútímaleg eða sígild gerð
Aldur og stíll hússins þíns og þinn eigin smekkur segja fyrir um hvort nútímaleg eða sígild hönnun henti betur fyrir einingarnar.
Að öllu jöfnu mælum við með sígildri hönnun fyrir byggingar sem reistar voru fyrir 1950 en þó geta auðvitað verið undantekningar, til dæmis á eldri húsum í funkis-stíl, þar sem nútímaleg hönnun hentar vel. Fyrir hús sem reist voru eftir 1950 mælum við með nútímalegri gerð.
Munurinn á nútímalegri og sígildri hönnun sést á innanverðum rammanum, pósti og listum, þar sem horn eru ávöl með sígildri hönnun en hvassari með nútímalegri.
Að utanverðu er enginn munur á nútímalegum og sígildum einingum.
Staðlaðir litir fyrir tré og tré/ál
Einingar úr tré og tré/áli eru í stöðluðu formi afhentar í hvítum RAL 9010 að utan- og innanverðu. Að sjálfsögðu er hægt að velja annan RAL-lit gegn viðbótargjaldi og gegn öðru aukagjaldi er hægt að velja mismunandi RAL-liti fyrir innri og ytri hlið.
Dæmi um staðlaða liti
Einangrunargler og glertegundir
Skanva býður upp á fjölbreitt úrval orkusparandi rúða og glertegunda, svo þú getur sniðið gluggana og hurðirnar að þínum þörfum. Hægt er að sameina mismunandi tegundir rúða til að glugginn geti til dæmis dregið úr hávaða, veitt innbrotsvörn og sparað orku á sama tíma.
Allir gluggar og hurðir Skanva eru í stöðluðu formi afhentir með tvöfaldri orkusparandi rúðu fylltri með argongasi og með varmaþéttilista. Varmakanturinn hefur þau áhrif að hitastig rúðunnar er hærra meðfram kantinum en í hefðbundinni rúðu, sem dregur úr trekki og kuldafalli. Allar orkusparandi rúður frá Skanva uppfylla kröfur EN 1279.
