Margar góðar ástæður eru fyrir því að velja orkusparandi glugga. Í fyrsta lagi er hægt að spara miklar fjárhæðir á orkureikningnum þegar gamla glugganum er skipt út. Í öðru lagi þýðir minni orkunotkun að umhverfisáhrif þín og fjölskyldunnar minnka. Og þegar hitinn helst inni í stað þess að sleppa út um óþétta glugga getur þú í þriðja lagi fengið gott loft innandyra, eftir þínum óskum.
Tæknihugtakið U-gildi er notað til að lýsa því hve mikil orka (varmi) flyst út þegar munur á hitastigi á milli ytra og innra yfirborðs rúðunnar er 1 gráða á celsíus. Þess vegna er best að U-gildið sé lágt. Samkvæmt dönskum byggingareglugerðum er ekki leyfilegt að setja upp glugga sem eru með U-gildi yfir 1,8.
Orkusparandi rúður eru búnar svonefndum „varmaþéttilista“. Orðið á við um fjarlægðarlista sem býr yfir góðum varmaeiginleikum og minnkar líkur á raka að innan.
Varmaþéttilisti hefur áhrif á samanlagt U-gildi rúðunnar en það fer einnig eftir stærð hennar. Því stærri og þykkari sem rúðan er, því betri er einangrunin, en karmur og rammi gluggans hafa einnig áhrif. Ef einangrun þeirra er góð hefur varmaþéttilistinn minni áhrif.
Byggingarreglugerð BR18 um orkumál í Danmörku mælir fyrir um ýmsar kröfur við endurnýjum húsa, þar á meðal þegar skipt er um glugga og hurðir. Þú getur kynnt þér þessar kröfur nánar hér að neðan.