Greiðsluupplýsingar
Heldur þú gluggunum og hurðunum þínum við?
Gluggar og hurðir verða daglega fyrir veðri og vindum og slitna þess vegna. Vandaðir gluggar og hurðir geta enst í mörg ár ef þú manst eftir að huga að þeim árlega. Ef þú heldur gluggunum og hurðunum þínum við og gerir kerfisbundna skoðun á hverju ári endast þessir hlutir mun lengur. Þó getur verið nauðsynlegt að gera við skemmdir sem verða skyndilega til að koma í veg fyrir frekari skaða áður en kemur að árlegri skoðun.
Gott er að skoða glugga og hurðir í þurru og hlýju veðri. Mest af vinnunni fer fram utandyra og ef mála þarf gluggana er hægt að taka þá af hjörunum á meðan.
1. Er málningin að flagna?
Mála þarf tréglugga á nokkurra ára fresti, því ef málningin er byrjuð að flagna svo það sést í viðinn verður erfiðara að mála þar sem fyrst þarf að slípa gluggana og grunna. Í sumum tilfellum þarf að meðhöndla glugga, sem eru varðir með olíu eða annarri viðarvörn, á hverju ári til að viðhalda langri endingu.
2.Sést í tré?
Ef það sést í viðinn skaltu prófa hann með því að ýta skrúfjárni eða einhverju álíka í hann. Ef oddurinn gengur 3-6 mm inn er tréð líklega fúið og þá þarf að skipta þeim hluta út.
3.Er rúðan laus?
Ýttu á rúðuna til að kanna hvort hún sé laus. Flestar rúður eru festar með glerlistum sem geta losnað eða fúnað ef þeir eru úr tré.
4. Stendur glugginn eða hurðin á sér?
Prófaðu að opna og hreyfa glugga og hurðir til og frá til að sjá hvort allt hreyfist ekki eins og vera ber. Ef hurðin eða glugginn stendur á sér gæti þurft að skipta um hjarir eða smyrja þær. Hjörum er haldið við með því að smyrja þær með nokkrum dropum af sýrulausri saumavélaolíu.
5. Myndast dögg á gluggunum?
Endingartími einangrunarglers er mismunandi eftir gæðum þess. Ef dögg myndast á milli glerja er rúðan óþétt, sem hefur bæði áhrif á útsýni og einangrun, og því þarf að endurnýja hana.
6. Er fúgan þétt?
Athugaðu einnig fúguna umhverfis glugga og hurðir. Fúgan umhverfis glugga og hurðir tryggir þéttleika milli karms og útveggjar. Fúgan á að vera heilleg og þétt, því annars getur vatn komist í gegn og valdið rakaskemmdum og fúa í tré. Óháð því hvort fúgan sé úr múrsteypu, gerð úr fúgubandi eða mjúkum fúgumassa er endingartíminn takmarkaður. Auk þess sem óþétt fúga getur leitt til vatnsskemmda gefur hún verri einangrun bæði hvað varðar orku og hljóð. Því þarf að gera við skemmda fúgu. Gamaldags fúga með múrsteypu eða fúgubandi hentar vel því þannig fúga hleypir raka út úr húsinu en mjúkur fúgumassi, til dæmis úr sílikoni, veitir algera einangrun. Ef innanverður karmurinn er þéttur með mjúkum fúgumassa þarf ekki að nota mjúkan fúgumassa á ytri hliðinni því þá festist raki milli fúganna.
Viðhaldsfríir gluggar og hurðir
Stór hluti nýrra glugga og hurða eru með duftlakkaðri álklæðningu á ytri hliðinni og tré á þeirri innri, sem minnkar viðhald töluvert. Það sama gildir um glugga og hurðir úr plasti. Viðhaldið felur aðallega í sér hreinsun og að smyrja hjarir og festingar.
Vertu áskrifandi að fréttabréfinu okkar
og fáðu ábendingar og tilboð beint í pósthólfið þitt
Ég skrái mig fyrir fréttabréfi og tilboðstölvupóstum frá Skanva og samþykki skilmála og persónuverndarstefnu Skanva. Ég get afskráð mig hvenær sem er.